Devotional Songs

2
गुरुर्ब्रह्मा गुरुर्विष्णुः गुरुर्देवो महेश्वरः ।
गुरुस्साक्षात् परं ब्रह्म तस्मै श्रीगुरवे नमः ॥
gururbrahmā gururviṣṇuḥ gururdevo maheśvaraḥ |
gurussākṣāt paraṁ brahma tasmai śrīgurave namaḥ ||

3
कराग्रे वसते लक्ष्मीः करमध्ये सरस्वती ।
करमूले स्थिता गौरी प्रभाते करदर्शनम् ॥
karāgre vasate lakṣmīḥ karamadhye sarasvatī |
karamūle sthitā gaurī prabhāte karadarśanam ||

4
माता च पर्वती देवी पिता देवो महेश्वरः ।
बान्धवाः शिवभक्ताश्च स्वदेशो भुवनत्रयं ॥
mātā ca parvatī devī pitā devo maheśvaraḥ |
bāndhavāḥ śivabhaktāśca svadeśo bhuvanatrayaṁ ||

5
माता च कमला देवी पिता देवो जनर्दनः ।
बान्धवाः विष्णुभक्ताश्च स्वदेशो भुवनत्रयं ॥
mātā ca kamalā devī pitā devo janardanaḥ |
bāndhavāḥ viṣṇubhaktāśca svadeśo bhuvanatrayaṁ ||

6
समुद्रवसने देवी पर्वतस्तनमण्डले ।
विष्णुपत्नि नमस्तुभ्यं पादस्पर्शं क्षमस्वमे ॥
samudravasane devī parvatastanamaṇḍale |
viṣṇupatni namastubhyaṁ pādasparśaṁ kṣamasvame ||

7
गङ्गे च यमुने चैव गोदावरि सरस्वति ।
नर्मदे सिंधु कावेरि जलेस्मिन् सन्निधिं कुरु ॥
gaṅge ca yamune caiva godāvari sarasvati |
narmade siṁdhu kāveri jalesmin sannidhiṁ kuru ||

8
सरस्वति नमस्तुभ्यं वरदे कामरूपिणि ।
विद्यारम्भं करिष्यामि सिद्धिर्भवतु मे सदा ॥
sarasvati namastubhyaṁ varade kāmarūpiṇi |
vidyārambhaṁ kariṣyāmi siddhirbhavatu me sadā ||

9
नमस्ते शारदादेवि काश्मीरपुरवासिनि ।
त्वामहं प्रार्थये नित्यं विद्यां बुद्धिञ्च देहि मे ॥
namaste śāradādevi kāśmīrapuravāsini |
tvāmahaṁ prārthaye nityaṁ vidyāṁ buddhiñca dehi me ||

10
अन्नपूर्णे सदा पूर्णे शङ्करप्राणवल्लभे ।
ज्ञानवैराग्यसिध्यर्थं भिक्षां देहि च पार्वति ॥
annapūrṇe sadā pūrṇe śaṅkaraprāṇavallabhe |
jñānavairāgyasidhyarthaṁ bhikṣāṁ dehi ca pārvati ||

11
यत्करोमि यदश्नामि यज्जुहोमि ददामि यत् ।
यत्तपस्यामि हे कृष्ण तत्करोमि त्वदर्पणम् ॥
yatkaromi yadaśnāmi yajjuhomi dadāmi yat |
yattapasyāmi he kṛṣṇa tatkaromi tvadarpaṇam ||

12
शुक्लाम्बरधरं विष्णुं शशिवर्णं चतुर्भुजम् ।
प्रसन्नवदनं ध्यायेत् सर्वविघ्नोपशान्तये ॥
śuklāmbaradharaṁ viṣṇuṁ śaśivarṇaṁ caturbhujam |
prasannavadanaṁ dhyāyet sarvavighnopaśāntaye ||

13
सर्वोपनिषदो गावो दोग्धा गोपालनन्दनः ।
पार्थो वत्सः सुधीर्भोक्ता दुग्धं गीतामृतं महत् ॥
sarvopaniṣado gāvo dogdhā gopālanandanaḥ |
pārtho vatsaḥ sudhīrbhoktā dugdhaṁ gītāmṛtaṁ mahat ||

14
सर्वमङ्गलमाङ्गल्ये शिवे सर्वार्थसाधिके ।
शरण्ये त्र्यम्बके गौरि नारायणि नमोऽस्तु ते ॥
sarvamaṅgalamāṅgalye śive sarvārthasādhike |
śaraṇye tryambake gauri nārāyaṇi namo’stu te ||

15
शरीरे जर्जरी भूते व्याधिग्रस्ते कलेबरे ।
औषधं जाह्नवीतोयं वैद्यो नारायणो हरिः ॥
śarīre jarjarī bhūte vyādhigraste kalebare |
auṣadhaṁ jāhnavītoyaṁ vaidyo nārāyaṇo hariḥ ||

16
रामस्कन्दं हनुमन्तं वैनतेयं वृकोदरम् ।
शयने यः स्मरेत् नित्यं दु:स्वप्नं तस्य नष्यति ॥
rāmaskandaṁ hanumantaṁ vainateyaṁ vṛkodaram |
śayane yaḥ smaret nityaṁ du:svapnaṁ tasya naṣyati ||